نبدأ البارت الاول ...
جده << ام الرخا والشدة
الساعه 9 صباحاً صحيت
.... يادوب تفتح عيونها : اه الساعة كم مسكت جوالها اووه الساعه 9 مررا بدري خليني ارجع انام بعد مرور وقت طويل قامت وهي : اف اف مدري ليه صاحيه الحين ودخلت الحمام تتروش وطلعت بدلت ملابسها ببنطلون اسود وبلوزه لونها بيج نشفت شعرها وربطته ذيل حصان أخذت عطرها المفضل مَس ديور... أخذت جوالها ونزلت تحت
......: مهره اش مصحيك ف ذَا الوقت
مهره فزت : بِسْم الله الرحمن الرحيم فجعتيني ياخي تنحنح اديني خبر انك ورايه
احمد ضحك وهو يبوسها : اسفين ياالدلوعه بس منجد اش مصحيك في ذَا الوقت
مهره : مدري والله صحيت حاولت انام بس ما قدرت
احمد : فطرتي ؟
مهره : لا بقي نص ساعه ويصحى الكل ونفطر سوى
احمد : تعالي خلينا نسولف على ما يصحون
ام ماجد وهي نازله من الدرج وقفت مصدومة وهي تشوف احمد ومهره صاحين بدري راحت عندهم: وي وي اش صاير بالدنيا أكثر اثنين يحبون النوم صاحين بدري غريبه والله
مهره واحمد : ههههههههههههههههه
مهره : ماغريب الا الشيطان
احمد : الا اقول يمه وين أبوي بالعادة ينزل معاك
ام ماجد: جاه اتصال مهم للشركة وكذا وجالس يكلمهم
ابو ماجد هو نازل من الدرج ووراه عياله : صباح الخير قامو مهره واحمد يسلمون عليه
ابو ماجد : الله يرضى عليكم ... يلا ع الفطور
جلسوا كلهم ع الطاوله في مقدمة الطاوله ابو ماجد وعلى يمينه ام ماجد ويساره ماجد بس هو مسافر للندن عشان شركة ابوه وبجنب ماجد احمد
وحنب ام ماجد زياد وجنب زياد مهره وبعد مهره هديل وجنب احمد وجد وبعدين التوأم ماهر ومها
هديل : الا اقول بابا متى بيرجع ماجد
ابوا ماجد : بعد أسبوع تقريباً ليه ؟
ام ماجد: أبد والله بس بنسوي له حفلة استقبال
زياد : حسستوني انه مسافر له سنوات برا مو من شهر ترا مره ماله داعي
وجد : والله انتو ما ينعرف لكم اذا رجعتوا من السفر ولا احد سوا لكم استقبال سويتوا لنا سالفه والحين يوم انه بنسوي آستقبال لا ماله داعي
مهره : الا ي حبيبي له داعي انتو اش يعرفكم بذي الحركات
زياد وي وي اكلتوني بقشوري ويأكلمه ارجعي محلك
احمد: تستأهل ما لقيت تتلابش الا مع خواتي
نتركهم شوي ونروح للطائف << انا بعرف بالشخصيات مرا وحده
الساعه 11 صباحاً
في غرفه رايقة كثير بألوانها ما بين التفاحي الفاتح والبني الفاتح جالسه ع الجوال تكلم ف صديقتها
......: اقول لك مره مشتاقه له
......: هو وينه مو ساكن ف الطائف
......: لا ي ولاء هو ف الرياض اشبك مسرع نسيتي
ولاء: يوه يختي مدري اشفيني صايره انسى
.....: والله من مشاكلك منتي عارفه تلحقين ع ذَا ولا ذَا
ولاء: طيف رجاءاً بلاش دق بالحكي
طيف : تو زعلتي ترا هذي الحقيقه
ولاء: وانا عارفتها ماله داعي تذكريني ويلا باي امي تناديني
طيف: باي قفلت الجوال وانسدحت ع السرير تفكر ياترا بتكون من نصيبي .... هه أصلاً انت لي مو لاحد غيري ي خالد
انتهى البارت الاول